一如所料,角足主上一期又係用可樂暉做題材,好似佢寫得愈多,就真係可以捧紅佢咁。為免可樂暉呢3個字被玩到爛,富足主決定,以後呢度除o左唔提老豆老母之外,亦都盡量唔會再提呢個人。

或者有球迷覺得,我同角足主不和呢o的o野,係咪應該低調o的好,費事影響球隊形象啦。之但係我就覺得,事無不可對人言,有o的o野唔係你話唔提就等於無,就正如6×4=24咁,你愈唔敢提,就愈顯得你心虛。

嗱,就以香港球圈為例啦,早排有支甲組隊去o左茶餐廳公布簽入新球員,結果張相就o係網上瘋傳。由於呢隊波公關手段唔似得其他大球會咁高明(相對上係啦),結果就被網民口誅筆戈。有人話有冇搞錯,竟然又去茶仔,至少都應該去酒店卜間房丫嘛;亦人話其實陳七當日宣布北上個記招,都係茶仔開檔之嘛,去茶仔影相冇問題喎,仲可能弘揚香港球圈文化添。

講到呢度,富足主忽然醒起,香港呢幾年大搞主客制,就係為o左要符合亞洲足協標準,希望評分高o的,可以達到參加亞冠資格。之但係呢個主客制,根本就係有名無實,係咪求其畀個場你就叫主客制呢?如果咁就話可以加分,亞洲足協o的人唔通係盲的麼?

角足主,get到我想講乜未?

富足主
logo-dlm-small

Comments