【體路專欄】近排睇報紙,膽量少d都唔敢揭開娛樂版,好少蛇果報咁,動不動就走去煲「爺孫戀」,煲完再煲「兒子戀」,仲要放埋條片影住大少老淚縱橫咁,口味重到呢…我有好多fd本身都已經唔關心娛樂圈既野,都俾呢單野撻著左,個個衝出黎做道德偉,話個女既見錢開眼,hey,睇開d啦香港人,唔好話娛樂圈,放眼世界球壇,有奶便是娘既例子又點會得一個咁少?

現實就係咁,單係一個錢字,足以化腐朽為神奇,相反無錢既話,就算係名門望族都要低頭做人,真係唔好怪我又拎我愛隊AC米蘭出黎講,呢隊波近幾年最出名既唔係戰績,而係球隊買人策略,慳家程度拍得住樓下陳師奶街市買菜,經典例子有本田圭佑同後衛拉米,前者因為差70幾萬,由舊年暑假拖到今年年頭等到人地自由身身份加盟(據聞仲要壓低人地人工),拉米仲經典,要人地自己貼錢俾轉會差價先搞得掂,若非呢兩位仁兄誠意十足,真係啋你都有味,除左呢兩單,仲有d甚麼意甲獨有既「球員共有權」,即係兩間球會share一個球員黎用,縮骨程度真係大開眼界。

呢,最近個副會長加利安尼又有新作,就係免轉會費斟到皇馬個鋼門迪亞高盧比斯,之但係俾人影到張相,係踩住架單車去同個經理人傾轉會,哈,咩料呀大佬?低碳生活環保概念呀?呢張相一傳出黎,即刻俾人輪住抽水,話架單車都可能係同國米共同擁有,叫加利安尼小心d踩因住踩爛左無錢賠,一間大球會淪落到咁,都真係唔知笑好定喊好。

10602817_10152640989674804_2083007300_n

上期富足主又抽我水,話我阻住佢全職大搞呢隊波,我自問搞呢隊波睇住盤數睇到廢寢忘餐,既然佢咁講,咪放開手放長雙眼睇佢點搞囉,拿,講明先,我下個禮拜托贊助商NIKE搵左個教練返黎同班隊友做NTC操體能,唔好又詐傻扮懵入你數啊!

國足主
logo-dlm-small

Comments