nikeriskeverything_1b_IMG_0310b_140612

【體路專欄】最近富足主有個fd,見到佢著o左C朗對Boot、著埋印o左佢名o既波衫、再Jel埋佢個頭,外型學到十足十,之但係一落到場就原型畢露,富足主不其然又諗起本地波。

新一屆本地甲組足球聯賽將會升呢做「港超聯」,普羅球迷對呢個名有好大期望。不過到今日為止,距離開波唔夠一個月,「港超聯」 o既神秘面紗仲未完全揭開。

咩o野叫做「港超聯」?根據足總意向,就係參加o既球會要達到一定標準,例如每隊都要有完善架構,好似CEO、保安主任、同埋傳媒主任呢o的職業球會應該有o既職位,務求將整個球圈擢升到另一個層次,更加接近職業化,追上亞洲足協o既發展大方向。

之但係大家都知道,香港足球根本就係畸胎,求其改個名就話升呢,未免有o的自欺欺人。舉個例,球會所謂o既傳媒主任,實際就只係得幾間會,有專人同傳媒保持聯繫,其他根本就係掛個名就算。有o的球會,開o左操都唔通知行家;有o的球員轉o左會,記者更加要透過球員私人facebook先知道,你話笑死唔笑死。

講返自己隊波,夏體硬經歷o左失敗o既一季之後,新一季少不免要改革一下,富足主亦有意全職打理隊波,睇下將來可唔可以申請入「港超聯」,同時又建議球隊季前出外特訓。不過一講起呢個話題,上屆帶領球隊記協盃8強出局o既國足主就扭屎忽花,又話要睇下budget,又話要度一度期……真係畀佢吹漲!

富足主
logo-dlm-small

Comments