「今晚十一點,你會做緊乜?」

「一反時間定律」

「KEEP得好,乜都可以做到」

大家心水清的話,應該都會認得以上呢幾句,都係某「回復男士年輕活力」健康產品o既廣告,呢個廣告曾經比各大論壇評選為繼「尖尖尖」之後,另一個洗腦洗到你想喊o既廣告,因為工作關係,我都比呢個廣告洗到個mind都乾淨曬,廣告裡面句句都入曬腦,經常拎出o黎同5+HIM好似吟詩咁你一句我一句,雖則無聊,其實都幾過癮。

咁點解無端端要提出o黎呢?

事緣星期一,贊助商為我o地安排o左一年一度o既慶功宴,我人都未食飽,就已經比隊友追問NIKE5表演賽,同傳聞中o既「百樂門大慶功」時間和人物地點,呢幾件大事都o係兩個月內要搞掂佢,當刻我即刻諗起呢個廣告,我心諗,如果再老多幾年,我都應該趕唔上夏體硬搞活動o既節奏,其實富足主經常話要篡位,話唔定係為我好都唔出奇,唉,睇o黎我怪錯o左佢都未定。

今個禮拜日,我地就會o係麥花臣球場同著名勁旅MILK踢表演賽,同以往唔同o既係,今次我地唔止出一隊,而係出兩隊,一隊係夏體硬經典明星隊,另一隊就係夏體硬代表隊,如無意外,我同富足主都會代表夏體硬經典明星隊上陣,有興趣欣賞副足主精湛腳法o既朋友,到時可以o黎麥花臣捧場,不過記住唔好表明身份話o黎睇我o地,因為如果你o黎打氣,但又唔問富足主拎簽名o既話,我怕佢會嬲你一世,你地都知啦,方丈好小氣架。

國足主

logo-dlm-small

Comments