好耐無見喇!新年過後放咗個假,又忙碌工作,根本無機會同大家分享呢個月發生嘅事,哈哈!ALEXCHUNG

小弟有幸得到成都電視台嘅邀請,擔任"星星向蓉"嘅嘉賓主持,介紹香港嘅一啲景點同埋一啲香港美食。今次亦都係我第一次做飲食節目,亦都可以話係夢想成真吖!因為一直以來, 我都好想做主持,尤其是飲飲食食個啲所以呢,就係開心啦!
講返運動,今年係全運會年,各省各地嘅運動員的備戰都開始踏入倒數階段,因為四年一度嘅全運會,係一個機會,係一個機會給予省運動員進入國家隊,但係背後或多或少,金錢會成為他們的動力,沒有金錢,誰又會賣命呢?可能大家會覺得我呢個想法有問題,不過,呢個係事實,無得改變。在中國,十幾億人口,各省各地都有體育學院,每項運動都有過百"精英",但冠軍只有一個,廢話!個個都知!但係點解佢地還要苦練呢?錢成了很大的理由。
一名剛入省隊月薪800至1000人仔,有啲成績就加幾百,去到全運會又多少少;入選國家隊就收兩家茶禮,省隊一份糧,國家隊一份糧。我重未計獎金喎。呢個係一個簡單介紹,詳細就唔講喇,我怕俾人告透露國家機密,以後返唔到大陸。。。。。。
不過全運會獎金豐厚係公開嘅秘密,又送車,又送樓,單車變摩托啦!因為一塊金牌,不是以上物質上嘅享受咁簡單,背後是個省體院地位提高,有bargaining power等等,又係唔詳細講啦呢啲!哈哈!
所以話,一個全運會,好過兩屆亞運會吖!在香港默默耕耘嘅運動員,阿爺個份就唔洗諗架喇,不如好好裝備自己,對自己有個交待,做個好成績啦!We are Hong Kong!

Comments