今日呢,就係足主我生日既大日子,富足主一早就幫我開post祝壽,仲叫人入post同我講生日快樂,o係佢o既淫威之下,唔少人真係入去happy我個birthday,o係度除o左多謝富足主o既好意之外,真係唔知講咩好。

話就話上次決賽事件,「貌似」告一段落,夏體硬又再為下屆比賽做準備,當中,決賽意外獲富足主首肯,擔任正選o既阿威,近期頻頻加操,好似上個禮拜,就一早去大埔,參加友會「飲勝足球隊」o既友賽,該役我同威被編入另一隊,面對有大隻同鐵衛阿聲壓陣的飲勝,輸兩球,不過阿威落場時一個打N個,勁過葉問,據聞飲勝提出想借用阿威,每個禮拜五入大埔壓陣,我都未有機會回覆,阿威已經拒絕了,賽後仲自發加操,擺明想借機會,奠定隊中首席中鋒席位,堅呀!

踢完波,成班人碌去食飯,期間大隻提到佢朋友一件趣聞:球場打交,事後無乜證據報警,最後告得入,判社會服務令,當然係真係假唔敢亂講,但有口痕友就話,點解唔試下將決賽件事搞大佢,唔,我當時一口拒絕,一來唔想將件事鬧大,二來事件主角強仔,上個禮拜缺席nike5賽事,據聞已令贊助商極度不滿,要封殺呢位天才橫溢o既前鋒,唉,大球會嘛,強仔又係唔爭氣o既,睇黎夏體硬首席中鋒呢個位置o既爭奪,仲好睇過戲。

花生漲價了:)

國足主

2013年4月2日

logo-dlm-small

Comments