【體路專欄】近年網上資訊發達,大家都好容易喺一啲網站度搵到一關於健身、運動嘅資訊。

相信大家都成日聽到「核心肌群」呢個字眼,究竟「核心肌群」係咩?有咩用呢?

網上圖片

網上圖片

「核心肌群」由好多大大小小前前後後嘅肌肉所組成,有啲你都可能唔係咁認識,不過簡單啲嚟講係腹、背、臀嘅肌群,「核心肌群」係我地「個人穩定性」呢個department度做嘢。
舉個例子:「個人穩定性弱」嘅人,企係巴士度,當巴士煞車嘅時候佢係較易比「個人穩定性強」嘅人pk嘅。

跟住你就會話:「車~~練返啲平衡力咪得囉!!」
你估健身店咩,比個Bosu你企上去就話訓練平衡力你,你有無諗過你真係平衡唔到?平衡唔到即係企企吓都pk喎,你會?長者因為肌力衰退成日企唔穩先要練平衡力嘅呢~~

後生細仔無端端做咩平衡力唔好會企唔穩呀?
係咪因為有其他外來嘅衝力呢??
係嘅話即係你唔係平衡力唔好,而係「個人穩定性」唔好啦,「個人穩定性」唔好即係要練核心肌群啦!

20140705-03jerryliu 20140705-04jerryliu

訓練「核心肌群」除咗可以增加個人穩定性外仲可以增加膝關節嘅穩定度同下半身力量等 ,以前我有個post講過腹部係我地人體嘅engine,識得控制的話可以令力量發揮得更大,上過我泰拳堂嘅朋友就知道,我係訓練中我不停要求同學們轉腰、轉腳同做一啲集中係腹背嘅exercises,只要多加訓練、懂得控制的話,踢腳時會比用死力更輕鬆容易發出更大嘅力量。

20140705-02jerryliu

要訓練「個人穩定性」唔係一件好難嘅事,除咗上圖嘅exercises之外仲有crunch、reverse crunch、plank、side plank….要再難啲嘅咪用fitball或TRX嚟做囉。

20140705-05jerryliu

「核心肌群」越強嘅人,無咁易有腰背痛,另外活動能力係轉身、軀幹屈伸、彈跳同個人穩定性方面都會較強、較快、較大力等。

核心肌肉重要性之泰拳15 腳示範

以上面嘅video為例,留意吓個學員雖然係女仔,但係佢踢出嚟嘅腳係放鬆用腰力踢出嚟而唔係用死力踢出嚟嘅,打過泰拳嘅朋友應該知道如果吓吓用死力打/踢的話,個沙包係唔會咁響嘅,同埋如果你用死力嘅話你嘅耐力當然無咁好啦,所以你話核心肌肉鍛煉係咪好重要呢!
**想知更多體適能資訊可到我的Facebook Page “高級私人教練 Jerry Liu” ,多謝支持!!

Comments