20140704-adidas-gabear

【all in or nothing】香港籃球聯賽男子甲一組賽事本周四將上演總決賽「紅黃對決」第三戰,效力南華的梁民熊(Bear)在球隊目前五場三勝制中落後兩戰下,誓領軍力抗方誠義(阿Ga)效力的永倫大打翻身戰。不過原來籃球場外,作為足球迷的Bear及阿Ga於今屆巴西世界盃一樣鬥得難分難解,今晚阿根廷對瑞士,二人就各撐自己愛隊殺入八強,睇波一樣無情講!

分別效力南華及永倫的Bear及阿Ga於籃球場上為了勝利一向朋友都無情講,不過二人於場外卻「friend過夾band」,打籃球外更不時踢埋足球,經常與一大班老朋友一齊約到街場踢波,Bear更笑稱自己角色有如美斯:「我與阿Ga細個時打波識,你知細個無咩玩就到街場踢吓波,我踢波位置是前鋒,即是美斯的位置,我最擅長門前執雞;阿Ga就是防守型球員,踢後衛佢最擅長,因為佢身長腳長,進攻球員好難過到佢,簡直堪稱屯門無敵中堅。」

adidas02-bearliang

阿Ga就笑稱一向於戰畢籃球聯賽後便會經常到屯門、元朗街場踢足球,輸波個隊就請飲汽水:「平日一完聯賽就會去街場踢波,當練氣、練反應、衝撞等。平日自己睇足球比賽都多過籃球,主要睇英超、西甲多過NBA,可能因為自己已經打籃球,足球就比較有新鮮感及刺激。但兩者相似地方在於團體精神,打籃球用手接唔到我會用腳踢。」

阿Ga平日與Bear踢波外,也經常約埋一起去看波,阿Ga指最喜歡成班人一齊睇波:「可以一齊鬧個球員好開心,有時大家支持唔同球隊又有對立。

adidas02-ga

今晚阿根廷對瑞士的世界盃16強大戰,阿Ga就撐起有施費洛域入選的瑞士:「施費洛域雖然因傷無緣16強之後的賽事,但瑞士今屆能夠出線,施費洛域於厄瓜多爾一戰中的入球也很關鍵。施費洛域今次傷出無疑令球隊鋒力減弱,但今屆幾場16強大熱球隊都僅能險勝過關,我覺得瑞士被看底一線,但要贏也不是沒可能。」

adidas01-ga-v2

至於Bear就當然撐小組三戰全勝、甚具冠軍相的阿根廷:「美斯於世界盃球王歸位的確令阿根廷踢得生猛曬,三場入四球盡顯新一代球王典範,今仗阿根廷對瑞士,我覺得瑞士能夠出線16強已有所交待,小組賽法國贏瑞士5:2,今仗阿根廷都一樣可以大比數贏波!」

世界盃16強阿根廷對瑞士將於周三凌晨12時上演。

Comments