squash_IMG_1579_140613

【體路專欄】世界盃分組賽進入最後階段,逆境波多次出現,反勝幾場也叫球迷睇得心醉,兩周前於香港舉行的壁球團體亞錦賽,香港對印度一戰,筆者覺得可媲美德國與葡萄牙小組首戰的戲碼。

當然,比喻講得好誇張,香港女團與印度大戰沒有比比「頭鎚」對手令人目瞪口呆,但兩場勝仗,2:0看似輕鬆取勝的比數,卻場場打至決勝局,香港贏得驚險,也贏得更有說服力。

香港女團於亞洲一向與馬來西亞及印度處於「三巨頭」局面,與印度多年來均屬「五五波」,9月仁川亞運大戰在即,今屆港隊缺少趙詠賢大師姐領軍下,靠歐詠芝、陳浩鈴、廖梓苓及湯芷穎四位年青港將出擊,去年目標坐銀望金,今年雖然目標不變,但印度實力急升下,對香港地位虎視眈眈。

印度隊中實力平均,有年僅22歲、世界排名第10的Dipika Pallikal,2號單打則有世界排名21位的Joshana Chinappa,二人排名剛好與世界排名第9的歐詠芝與世界排名22位的陳浩鈴叮噹馬頭,大戰爆發亦在所難免。

不過賽前港隊有歐詠芝左膝受傷無緣上陣,陳浩鈴頂上成女單頭號球手,廖梓苓及湯芷穎亦要由「壁球小將變成壁球大將」,擔起2、3號球手職位,後補4號球手的朱玟懿亦首次「臨危受命」出戰亞錦賽,四人賽前被看底一線,偏偏港隊有種精神打不死,香港印度生死戰僅屬小組賽,卻吸引了有上班一族Lunch Time過海到香港壁球中心觀戰,打氣聲「可能」達100分貝以上!(註:音量在 70 分貝以上,就會讓人產生焦慮不安,引發各種症狀)

打頭陣出戰的湯芷穎落後2局下反勝3:2,頭場關鍵在於次仗上陣的陳浩鈴需越級挑戰世界排名第10的Dipika Pallikal,Joey賽前未曾擊敗過該對手,故湯芷穎反勝取得勝仗,港隊即使次仗落敗仍然有價講!頭場反勝球迷叫爆壁球中心,次仗陳浩鈴出戰亦令觀眾嚇爆心臟。

甫上場即以0:6落後,陳浩鈴卻一改以往急進表現一分一分追回失地,首局雖失,次局追番,第3局被打到波都掂唔到,第4局幾下短波後來居上重拾氣勢,決勝局當觀眾心諗香港無咁好彩2場都反勝時,Joey關鍵時刻把握對手失誤,幾球靚波夠贏多一局,兩場3:2的比賽,壁球裁判是坐於觀眾席上用咪高峰裁決,旁邊香港球迷的叫喊聲足足入曬咪,玻璃場後的記者席同樣「e嘩鬼叫」,壁球去年入唔到奧運項目,但一樣叫香港球迷睇得入心入肺。

squash_IMG_1579_140612

女團最後贏得一面銀牌,男團雖然未有獎牌落袋,但表現雖敗猶榮。逆境波係好睇嘅,贏得驚險又有說服力,相信香港女團一班「壁球小將也變成壁球大將」!(睇唔明爛gag請按此)

港女團(左起)陳浩鈴、湯芷穎、廖梓苓及朱玟懿

港女團(左起)陳浩鈴、湯芷穎、廖梓苓及朱玟懿

【相關文章:港女團絕地反擊 亞錦壁球賽殺退印度力保榜首

Comments