今個星期六朝早10:15分,就係記 協盃決賽大日子,賽前富足主特 別帶同球隊中幾位冗員中o既精 英,話就話係去日本工幹,實情就係帶走佢地,以免影響球隊備戰。
今屆可以話係夏體硬最有機會捧 盃一屆,所以富足主無時無刻都 提醒自己要小心,以免軍情外洩。尤其是早前廣東電視台居高 臨下偷拍到足主「軟射」,搞到佢弱點被對手洞悉。雖然足主唔擅射就係人都知,但係為安全計,關於備戰計劃,都係少講為妙。

唔講備戰,不如講下上星期工幹所見所聞。衣、食、住、行係傳媒出外採訪重視o既元素,所謂 「民以食為天」,富足主同隊友訪問東京,忙碌之餘都要搵食,只係傳統日本菜唔太對大家胃口,所以只好另覓佳餚。

日本人稱之為「Sushi」o既壽司可以話係日本菜o既靈魂,富足主 向曾在日本留學多年的日本朋友查詢此地名菜,得出o既首個答案就係壽司,可惜連日早起晚歸o既工幹時間,睡眠不足下已自感 「肝火」大盛,因此呢道日本頭號名菜,算係無緣品嚐喇。不 過,日前o係池袋見到5+HIM買o 左一份壽司自己食,剩係條司已長逾2厘米,可謂相當壯觀,而 +HIM為免「熱氣」(上火),就 只好整走外層o既紫菜食喇。

至於旅程o既第二日,昌神就遇上o左抵達呢個城市後o既第一度冷鋒,回想日前熱到佢大汗淋漓, 唔夠24小時就變得涼風陣陣,有 人話日本天氣如同「千面人」, 佢o既變化難以捉摸,今次昌神總算領教到。

今次我o地所住o既酒店距離地鐵站約有5至10分鐘o既路程,每朝早揹著背囊走上約2公里已係指定動作,但路總唔會係白行o既,短短o既腳程就令到富足主感受東京生活o既點滴。對於香港人o黎講 呢,o黎到池袋 一定會有逃離鋼筋森林o既感覺,甚至會不期然跟著日本人o個隻緩慢、輕鬆o既腳 步,以免錯失沿途美好o既風景。

之但係今次旅程仲有個名叫黑龍波o既物體,走在池袋街頭,你好難會感受唔到黑龍波o既威脅。記得有一晚佢因為急屎,要趕住返 酒店解決,但佢就行2步停1步,令到富足主好似芒刺在背咁,一 方面驚佢行行下跟唔切蕩失路, 另一方面又驚佢瀨出o黎畀人放上 youtube,就好似上次足主咁, 好在最後成功帶佢返酒店,但就賣甩o左其餘兩位隊友,唯有o係度代黑龍波補番句SORRY囉。

富足主

Comments