【體路專欄】有一句說話:「輸波,唔好輸品」

我以前同波友踢波,每當見到有隊友踢茅波,例必講呢句說話。 而家我就更加明白,一隊波要搞得有聲有色,先係要好好睇睇:每隊波都總有低潮,就好似近期既少林寺,同我地夏體硬,都有同一番感嘆;而低潮過後總要爬番起身,要爬番起身除左自己要努力之外,其他朋友或球迷打打氣,都係非常緊要;咁點解人地同你三九唔識七又要支持你呢?一係你隊波好很好波,一係你隊波有令人欣賞既地方。

我地夏體硬,好波就真係唔敢高攀,陣中人人都有番咁上下年紀,要大家操到職業水準亦不切實際,所以,我一直要求我地成班球員,踢波要守規矩,就好似我地參加記協盃,無論賽會有乜要求同規例,我地都遵從亦尊重,斷唔會輸打贏要,更加唔會有輸波拉隊走或打交D咁既場面出現,好似上次八強輸9碼,成班人自動自覺同對方握手,所以雖然出左局,我都以成班隊友KEEP到呢種風度為榮。

所謂知恥近乎勇,上兩期專欄已經預告我地有未來計劃,頭一炮已經展開,早兩日我同阿威、朱楓以及阿秋,就貢左上去香港泰拳王向柏榮師傅既拳館拜師學藝,短短個半鐘既時間,向師傅已經操到我地身上每一條肌肉都有撕裂既感覺,就連一向體能有99既阿威都嗌晒救命。

10432206_10152473772639804_751118868_n

不過,呢次拜師只係開始,更艱苦既訓練陸續有來 而為左準備夏體硬新一季既訓練同發展大計,亦為左迎接即將舉行既世界盃,我同富足主將會暫別呢個專欄一段時間,下期開始,由我地夏體硬陣中既Xmen黑龍波,同大家講講今屆世界盃,當然,佢每期都會為部份球隊送上「祝褔」…

國足主
logo-dlm-small

Comments