【體路專欄】本來今期想寫「我和國足主(二)」,但係發現原稿o係網上消失o左,如果邊位朋友有save低,不妨send畀我,至多免費請你入場睇夏體硬比賽又點話。

自從我o地o係記協盃8強被淘汰之後,o係國足主心目中,今屆賽事已經變成WFC,但所謂知己知彼,富足主就依然都好關注餘下形勢。o岩o岩個星期六就踢o左準決賽,我o地友好球會飲勝互贏9碼贏波,歷史性打入決賽。根據講波佬o既「同市共榮論」,富足主對於有唔少好朋友在陣o既飲勝有咁成績,都與有榮焉。

368

雖然o係呢個圈子入面,夏體硬o既發展規模算係數一數二,但富足主就認為,飲勝亦係傳媒圈入面少數有心搞o既隊伍,作為新一代o既改革派,我o地都好支持飲勝今屆可以發光發熱。

可惜,就好似本地球圈一樣,得一、兩隊有心搞係唔夠,如果要呢個圈有良好發展,就一定要所有行家一齊努力。不過就算你冇心搞都好,唔該唔好搞咁多小動作,因為長此下去,對自己對大家都無益,你自己水準亦唔見得會提升。

就o係出局之後,一班夏體硬高層曾經同贊助商坐低開會,檢討一下未來發展路向,仲請o左專人為夏體硬撰寫「鳳凰計畫」。富足主可以拍心口保證,如果計畫實施到,球隊一定會有翻天覆地o既巨變,我o地眼光亦唔會只係局限於小小o既記協盃,大家姑且拭目以待!

富足主
logo-dlm-small

Comments