20140217-jerryliu

【體路專欄】經常有學生問我:想減肥修身又唔想做運動,食減肥藥同用一啲減肥儀器可靠嗎?

有好多朋友仔以為單靠服用減肥藥或減肥儀器就可以唔駛運動、可以繼續係咁食係咁食都可以達到減肥效果,如果你真係咁諗就錯錯錯喇~~

喺我地日常生活中,服用減肥產品嘅同時,都需要控制飲食同做適量嘅運動先得。

首先,叫大家控制飲食,並不等於「節食」,「減肥修身」最基本概念當然係熱量消耗大於攝入,但唔係唔攝入,如果每日食得太少,身體得唔到足夠嘅能量去維持我地日常需要,身體就會分解「肌肉蛋白質」來提供能量(唔是脂肪呀),所以”節食”減嘅是肌肉而唔係脂肪,少咗肌肉仲會令代謝率減低,反而會顯得衰老。

另外,我地要了解到我地日常嘅能量來源/需要都離不開碳水化合物、纖維、蛋白質、脂肪、酒精等。

碳水化合物-佔我們每天總熱量攝取的50-55%,係我地主要嘅能量來源,佢可以避免蛋白質分解,提供脂肪新陳代謝時所需的能量(因為燃燒脂肪也需要能量的,唔食飯如何有能量呢?)缺乏碳水化合物會導致我地體內嘅水份流失、減慢新陳代謝、增加食慾等。不過,當然過多嘅碳水化合物也會導致過多的糖原變成脂肪,變成脂肪後卻不能轉回糖,這點是需要留意的。

纖維-有分水溶性纖維和非水溶性纖維,它可幫我地增加飽肚感,維持良好的大腸蠕動、降低膽固醇及患大腸癌嘅機會。

蛋白質-佔我地每日總熱量嘅20%,佢不可以儲存但會轉化成脂肪XD,多餘嘅會變成尿素(這點應該可以解釋到喝了大隻仔奶粉為什麼可以短時間內「大件咗」同去多咗廁所);但長期進食太多蛋白質會導致鈣質流失,增加肝臟及腎臟的負荷,蛋白質在碳水化合物和脂肪不足時才會被當作能量使用。
*蛋白質的基本單位為”氨基酸”,20種氨基酸裡有9種我們需要透過食物吸收。

脂肪-佔我地每日總熱量攝取嘅25-30%,佢可以幫我地保溫及保護我們的器官、減震、幫助細胞通訊、亦可以幫助我們吸收一些脂溶性維生素如A、D、E、K等,所以脂肪係我地體內都扮演著一個很重要的角色的。

酒精 – 純熱量!少飲為妙~

一磅脂肪約等於3500千卡,換句話說又係加減數野,如果我地係飲食方面一星期節省到3500千卡,再加上適當運動,減脂就係咁簡單。

就算你知道以上幾點都未夠㗎,因為減肥修身到某個階段見到無咩大突破都會出現一個樽頸位,繼而放棄,大家係減肥修身嘅同時不彷做埋以下幾點,去為大家收集一啲數據,方便為減肥修身計劃做調整吖…

1)首先當然係要明確知道自己修身/鍛煉嘅目標,人人不同,不要盲目追求「瘦」,我地係要「修」身,要清楚知道自己嘅身體狀況,跟教練溝通自己嘅要求,等大家可以同步看著同一個方向走。

2)每星期量重一次,特定每星期嘅某一天為自己量重,等大家知道有無偏離行程,並進行檢討同跟進。

3)每星期都為自己拍照,呢類before & after 嘢好有用㗎,起碼知道自己個進度,有少少成果嘅會更有推動力,未有成果嘅就更加會有推動力。

4)唔好自己呃自己,教練叫你唔好食嘅食物又去食,邊爐、放題樣樣齊。

5)唔好懲罰自己,知道自己唔小心食多咗,同教練上完堂,轉頭自己又走去加操,以為可以對沖返,就好似呢頭食完炸雞亦,轉頭走去飲涼茶咁,結果係無足夠時間休息,疲累多幾日、操唔起,其實間中食多咗一次半次唔緊要,之後跟返正常就得啦。

6)遇見將來的自己,操到幾星期後就開始鬆懈,呢個時候對住塊鏡,勾畫一下將來自己個fit樣同fat樣,你就會keep moving 架喇。

7)休息,當你操慣咗一排,有一兩日比你休息一下,你就會囉囉攣好想繼續操,休息時休息,比啲時間身體復原,當你諗住休息都係操練一部分嘅時候,咁你會好過一點。
你要知道「今天的放下,是為了明天走得更遠」。

8)公告天下!係你進行修身嘅時候不妨話比你啲朋友知,等佢地幫幫手督導一下你。
依家互聯網咁方便,當然可以試下係facebook度公告天下,訓練時影吓相po上去,等大家可以push一下你又like下你。

9)比啲耐性,頭先都講過keep fit 係一個長時間嘅耐力賽,唔好諗住一個月減幾十磅,要以一個健康嘅方向去控制體重,與其信那些「減肥茶」、「減肥葯」、「減肥震震機」,倒不如信自己啦!

10)最後,記住記住要食野呀!

大家都知道香港生活節奏好急速,但想要減肥修身單靠食減肥藥同減肥儀器係唔夠同唔健康㗎,一定要配合均衡飲食同適量運動先可以令到身體嘅脂肪量減少。

講到適量運動,根據美國運動醫學會(ACSM)建議,一星期最少5次不少於30分鐘嘅帶氧運動,例如跑步、踏單車、行山及游水等;再配合均衡飲食,例如少油、少鹽、少糖、少油炸、少脂肪同少汁等食物,可令我地得到健康嘅身體。女士們想減肥修身一定離不開要鍛煉大肌肉,例如得閒係office做吓深蹲鍛煉下肢,又或者用橡筋帶或水樽收緊吓bye bye肉咁,器材唔駛多,喺office就做到,方便易做。

講到飲食,我都知道「巴西莓」對減肥修身好有幫助,網上亦都熱烈討論佢嘅營養價值,其中有幾點對減肥好有幫助的…

1)增強新陳代謝,增強新陳代謝不論對運動前、運動後都精力充沛,有足夠能量幫助消脂。
2)高纖維含量,纖維含量就令你唔易產生飢餓感,控制食慾,咁就唔會成日揾嘢食啦。
3)另外巴西莓仲有助消化系統淨化脂肪殘留物,唔會讓身體儲存殘留嘅脂肪。
4)高營養,巴西莓提供身體需要嘅營養,而營養充足亦係大家健康瘦身佔好重要的一環。

但呢幾點並不代表巴西莓係一個令你一個月減幾十磅脂肪的神奇藥丸,它只係一個減肥修身嘅輔助品,再配合定期這樣同均衡飲食同適量運動,巴西莓就會化身成為修身減肥嘅超級好幫手喇,所以減肥修身一定要做運動呀~”

想知更多體適能資訊可到我的Facebook Page “高級私人教練 Jerry Liu”,多謝支持!!

Comments