網上圖片

網上圖片

【體路專欄】上周湖人119:108客勝騎士一場,堪稱今年NBA第一奇案,事關本已傷患滿屋,只得八人應戰嘅「紫金軍團」比賽中再添兩名傷兵,於賽事終段甚至只剩五壯士應戰,包括Wesley Johnson、Ryan Kelly、Steve Blake、Kendall Marshall和Robert Sacre。可能上天見憐,連本應六犯離場嘅飲水機守護神-Robert Sacre都「奇蹟生還」。

相信各位籃球迷都知,有別於FIBA例,NBA為增加觀賞性,一直奉行「六犯離場」,意指球員於一場比賽入面,累積六次個人犯規就會被罰離場。咁究竟當一支球隊好似尋日湖人咁,已經罰無可罰時,又該如何呢?揀日重賽?好似足球世界咁,直接判該隊輸波?搵高比換衫落場?打比阿言叫我頂一場?原來唔係。

當後備席空無一人,已經六犯離場嘅Chris Kamen直情可以大訓一覺

根據球例3i 參考網址(唔好話阿言唔識野,就算連湖人教練Mike D’Antoni都話佢自己唔知有咁奇怪嘅球例,甚至話「可能我要除西裝落場比賽」):
每隊波不能少於五人在場作賽。

如果一隊波冇晒後備可換,而在場球員領取個人第六犯,咁佢可以唔洗死住,代價係,佢之後每次犯規都會計personal+team foul之餘,仲要加個technical foul,送對方一球罰球。

所以,尋日Robert Sacre六犯也好,直接原地復活,係觀眾、球員都o晒嘴嘅情況下,肆無忌憚繼續行行企企。

結果,湖人仲要以119:108贏騎士,終結七連敗。咁睇法,可能騎士比無人可用嘅湖人更惹人可憐……

Comments