等了又等,等足唔知幾多個月之後,記協盃終於開鑼喇!

同賽前預期一樣,技術唔差但身型發脹既富足主繼續被棄用,無辦法啦,唔同地方都總有同一類人,有天份但又放棄自己,唔係自暴自棄就係打假波搵快錢,足主我就最憎呢種人,搞到原本好認真訓練同拼搏既球員要俾一班出左事先出黎突然變專家既孔明鬧埋一份,對其他人真係好唔公平。

1549287_10152173327594804_2017848524_n

好彩夏體硬陣中,唔少人都好珍惜落場機會,好似上季上陣時間較少既中場阿駿、後防既雋仔以及啟剛咁,見富足主無權無勢得把口都紛紛跳船,唔單止send msg比我話唔會支持「夏體硬政變」,仲努力加操爭取上陣機會,令我非常之滾動,所以佢地今場都得到上陣機會。

140109-1

不過不得不提既係另一位靚仔球星正謙,過去幾季都疏於操練無表現,今季季初就開始乜波都踢,仲請埋私人教練自己加操,結果今場既上陣時間仲多過上季全季總和,有幾球明顯-6扭過對手更加入選今場既精華片段,佢睇到自己入選精華片段之後,開心到爭D響FB大叫「阿媽我得左喇」咁,所以正如偉豪早排響FB留言所講:「…有一D球員,成日覺得自己唔會有機會落場,又或者覺得球隊唔俾機會佢踢,其實……球會同你簽份球員合約已經係俾左一個機會你,有冇得踢係睇你自己平時點樣去練!如果你以為著起件紅衫就覺得特別好波,所以唔使點練,咁你就應該去買件皇馬波衫日日著喇,仲勁呀!」

講番今場,對手係有線快樂足球隊,由於倒戈上陣既關係,身為新聞有線人既阿威入波之後,並無好似佢偶像艾迪巴約咁串77地慶祝,而係相當低調,連同新球員阿ming、以及射入兩球既強仔,夏體硬今場大勝4比0,廢話唔講了,大家睇片!

Comments