20140108-jerryliu

引體上升係一個鍛煉背部肌肉嘅經典動作,呢個動作有分為「正手」及「反手」,兩者都以背闊肌為目標肌肉,同時下斜方肌、肱二頭肌、肱三頭肌亦有參與其中嘅,反手個post裡面都有提過啦,據2010年12月《肌力和體能研究報刊》分析指出,反手比正手給予胸肌、肱二頭肌更多的肌電信號,而正手明顯地使下斜方肌更加活躍。

嗱…..之前講過反手做嘅引體上升,今次就講吓正手喇…..我就較為鍾意做正手多啲,無他嘅~~型啲囉!

引體上升 Chin Up
動作過程:
面向橫bar企,兩手比肩寬少少,手背向自己握著橫杆,然後雙腳屈曲至約90度(圖1)離地,吸氣,慢慢將身體向上拉同時呼氣,拉到支bar到下巴時停一停(圖2),然後又反到原來位置(圖1),整個過程頭、腰、背都要保持挺直放鬆,以免以其他肌肉借力影響效果。

係gym room度可能你會見到好多人好快咁chok自己上去,跟住又話自己做咗幾多十吓,其實我地做exercise時慢慢嚟做對肌肉嘅刺激更好,你係咁chok上去比你做到100吓你都未必練到嘢㗎,記得重質不重量呀!!

仲有就係唔好好似右圖嘅我咁,一累就將個膊頭縮埋,放鬆做就得~
想知更多體適能資訊可到我的Facebook page “高級私人教練 Jerry Liu”,多謝支持!!

Comments