2014年首次同各位見面,富足主先代表夏體硬祝各位《體路》讀者身體健康,路路暢通;另祝國足主體無完膚,窮途末路。

一年一度o既記協盃已經開o左波,由於賽程編排關係,夏體硬衛冕之路首場賽事,延遲到聽日(1月4日)先上演,對手係有線開心足球隊。

夏體硬今屆將以新形象示人。

夏體硬今屆將以新形象示人。

一如以往,大戰當前,富足主不便講太多球隊消息。唯一可以講,就係唔知賽會係咪良心發現,上屆決賽無辜被逐o既強仔竟然唔使停賽,即係我o地可以最強陣容出戰。

素來獨裁o既國足主早排有驚人建議,單方面宣布會推出咩o野「亞太區首個業餘球隊的VDO Blog」,結果就好似另一位足主咁,「得個吹字」。老實講,陣中唔少隊友都對呢o的吹得就吹o既作風好反感。睇返佢上一期篇FF文,得o個30幾個like就知,證明依家讀者已經唔受呢一套。

所以,富足主新一年會繼續文字blog,大家的反應,令我很感動,老實講,我文筆較差,竟然上一篇貼文有95個Likes,可見大家都喜歡看文字,不如今晚又繼續寫!

但早前在街上遇到一個球迷,他同我講:「L生,你同國足主都係寫返blog啦,睇字係過癮啲,可以瞓住覺睇,又可以沖沖o下涼睇!睇片,望住國足主個臭男人講嘢,好怪!」

其實這位朋友說得有道理,克勤話齋,想睇獅子老虎,就梗係去動物園,睇國足主,就梗係睇畸寶o架啦。國足主有呢個諗(係諗!唔係唸!)法,主要都係想用人用到盡,畢竟黑龍波已經不在註冊名單,難聽o的講句,留佢o係度都係o徙米飯,所以就想用到佢盡,叫佢拍多o的o野,呢o的正正係現時傳媒界高層o既寫照。

唔單止咁,國足主除o左要黑龍波拍多o的o野之外,仲要搞個乜Q為「祝福香港」活動,據講會不定期搵黑龍波同埋盧炳神做主角,如果兩人唔得閒,仲會搵祝福界o既新秀傑志球迷月巴牛,據報道,新運動將在農曆年初七「人日」正式啟動,宣揚「能夠幫人,你的福氣」的信息,建立扶貧精神和捨得文化。

「需要祝福服務嗎?」

「需要祝福服務嗎?」

大家係咪睇到一頭霧水?係o既話不妨聽日下晝1點,o黎櫻桃街現場質問一下國足主究竟想搞邊科,順便睇下夏體硬記協盃第一擊,多謝!

富足主
logo-dlm-small

Comments