483840_10151563423090561_594060545_n呢個世界,永遠都係充滿驚喜。

大家睇波咁耐,踢波咁耐,一定會對過d比自己弱o既對手,係咪?

咁我問下大家,弱還弱,通常較弱o既對手會點樣踢?以7人賽o黎計,321聖誕樹陣式係家常便飯,411基本上已經好罕見,唔踢前鋒就更加少…33甚至42?無可能掛?

錯了。

剛剛過去o既一場記協盃8強,由仁和堂贊助o既隊伍「飲勝足球隊」,就真係用無前鋒o既陣式迎戰,不過此「無鋒陣」,不同巴塞羅那o既「無鋒陣」,係真係完全放棄進攻,一過半場就大腳射門或踢向邊線o既「無鋒陣」。

小弟踢波以來個個位都踢過,但以中後場居多,所以安排o既戰術亦好自然以防守為重心,所以當我地面對d踢法偏重防守o既球隊時,就會顯得有少少力不從心老鼠拉龜。

當日,對住一隊咁有紀律性,一心死守o既球隊,我心寒了。

由於對方條中場線都縮到禁區頂咁滯,所以,打o左大半場單中場o既我,每次攞波都有大把時間諗下點做,不過,純粹得個諗字,面對對手呢條針都未必插得入o既防線,我真係好無助。

或者場外o既隊友好難明白我點解比腳波都咁猶疑,但當你一望你踢前o既隊友,再望一望你同佢之間,比人閘到不足兩米闊度o既傳波路線時,你就會發覺對腳硬到好似石頭一樣,每次比波o既決定都顯得好艱難。

終於,0比0,要射9碼。

開心o既係,我地保住分組賽至今不失球紀錄,但連勝紀錄就斷纜。

由於對手成功達成目標,士氣高昂,同霸氣受挫o既我地形成強烈對比…

9碼射3輪,3輪過後就突然死亡,頭3輪我地兩隊都入晒…

第4輪,射手阿威o係對方不斷出口術騷擾之下射入。

為我地把關o既,唔係可樂暉亦唔係小虎,而係肥超。

賽前不斷有人質疑我呢個收購,認為我地已經有3位世界級龍門,實在無必要簽入身形發脹了o既肥超,尤其是當頭3球,肥超都撲唔到o時候,眼尾見到副足主、可樂暉、小虎同子龍嘴角有一絲異樣o既冷笑,我知道,如果射12碼輸了,我好大機會…應該話肯X定,要面對下台,甚至係更多XX等等慘不忍睹o既命運。

肥超第四次踏上白界線,望一望我,眼神很堅定。

拍。

不是高登那種「拍拍拍拍拍」,而是清脆的拍一聲,肥超訓身撲出。

我抬頭望天,那是一道四強的光茫,場外則有一片陰霾,有人目露兇光。

多謝收睇。

國足主

logo-dlm-small

Comments