我經常都同陣中球員講,作為一支班霸既一份子,係好講求all-round skills。

就好似皇家馬德里既加利夫巴爾,由後踢到中,由中踢到前鋒,瓣瓣掂,呢D就係我眼中既Dream player,咁我地夏體硬陣中有無咁既球員呢?um…就好似我地陣中既右閘「空霸」劉顯輝咁,踢公司內部聯賽係射手,黎到呢度又踢後衛,正呀喂,好可惜,空霸輝另外有個朵,叫夏體硬謝天華,一睇就知係走偶像派路線,級數好似無巴爾咁勁,反而好似以前做過孟加拉聯賽神射手,但黎到香港踢中堅既史堤夫(sorry輝哥,玩下0者,雖然係事實)。

剛剛過去既禮拜三,我地同飲勝踢友賽,為左測試空霸輝係咪有名無實既偶像派,我就特登安排佢同另一位偶像級主播姚雋彥打兩後衛,大家踢開七人都知,三後衛就好多人都識踢,但兩後衛就好容易企錯位走甩人,不過兩位落場表現就非常Professional,亦因為咁,我就好大膽地將後防大將阿聲,推上去踢左中場。

1465060_10152080966714804_1635889789_n-396x528 (2)

阿聲不嬲俾人印象都係後防既定海神針,佢話自己似加歷查,但當佢今場上到去踢左中場,就好似加利夫巴爾上身咁,頻頻左邊發難,一D都唔似轉身慢,唔夠快既後防球員,記憶之中佢好似入左一球添,中場休息時,飲勝足球隊又用埋巴塞式既「藞苴招」,將一件印有阿聲個名既飲勝波衫交俾阿聲,其實作為足主既我乜野風浪未見過呀?你俾得起一億英鎊既話,我成個阿聲打包送多個5+HIM俾你又點話?

臨尾想講講近排熄電視風波,係既,一個人熄唔熄機,其實對大局係唔會有即時性既影響,就好似我同富足主呢幾年齊齊去七一遊行,個社會都唔會因為我同富足主去遊行而有乜野大轉變,地球亦唔會停止轉動。港職聯係好多人眼中,似乎都係一個不可能既任務,但如果因為覺得無結果,講又唔講,做又唔做,好多睇黎無乜可能但其實有機會既事情,就會變成肯定無可能。

人微言輕,有機會再同大家交流下對社會問題既睇法,無謂講得太多,搶曬富足主既鏡,就hihi鳥!

國足主
logo-dlm-small

Comments