20130902-football

港甲今屆o既面貌改變,除o左好似富足主上期咁講,大搞marketing同會歌之外,仲搞o左個港甲經理人!

老一輩o既朋友,講緊o既係60後以上o個批,應該好難明白點解搞隻game會影響到一個聯賽o既關注度,情況就好似電視台播J League,佢地都唔會明白,點解日職同中超,同樣都係亞洲地區o既聯賽,但播中超好多人只會話「下…?」,聽到電視台播日職反而有人讚好;歸根究底,由90年代o既聯盟足球,到實況、育成等等,以至後來打winning master league買日本球員可以用超低價買到,對呢一代機迷球迷係影響深遠。

或者咁講,都仲會有人唔明有咩關連。

舉多個例,馬菲泰萊呢位英格蘭球員,大家聽過未?聽過o既話我相信你都係有玩開yahoo個英超經理人,而且game齡都有成7、8年以上,點解呢?因為馬菲泰萊呢位英格蘭中場,係出o左名o既神級屈分球員,o係當年C朗登陸英超之前,可以話個個都有一個馬菲泰萊看下門口,咁點解佢會咁屈分呢?其實係因為以前yahoo計分方法中,每逢射門中龍,成功傳中都會有分,馬菲泰萊o既踢法雖然o係當地唔算入流,資料上佢只係踢過英格蘭B隊一次咁多,但佢經常8+1斬同8+1射o既踢法,令佢每次出場平均都有10分以上,亦因此令佢廣為玩家熟悉。

睇番今屆港甲經理人,雖然隻game間唔中都會有bugs,但始終都係個好開始,有口痕友問幾時會有關於夏體硬o既足球game推出,我諗一諗,都係睇定d先,我唔想個個以做馬菲泰萊為目標。

國足主
logo-dlm-small

Comments