走線,大家聽得多啦,好似德國隊咁,走線走到疑幻疑真,確係幾過癮,但對於我o黎講,走線,其實同打假波無乜大分別。

以往睇大賽分 組賽,每每鬥到最後幾輪,就時不時會見到d令人O嘴o既賽果,所以而家歐聯,分組賽出線之後,就要分首名同次名出線再去抽籤,費事好似以前咁, 到最後幾輪就要睇住出線o既賽程編排去踢,咁o既安排係幾好,最起碼,作為球迷,我真係睇到d球隊會爭首名出線,而唔係預見到首名出線後會撞到硬o野而去 製造一個次名出線o既賽果。

不過,去到業餘比賽呢,由於好難時時都搵到咁多隊波o既代表坐埋一齊睇抽籤,所以往往會沿用舊制,編定晒賽程,「走線」呢樣o野就繼續生存o係業餘足球圈子之內。

好似我o地夏體硬,上個禮拜踢記協盃,就遇到咁o既場面:對手係前幾屆冠軍,總之點都唔會係弱旅,開波時得6個(七人賽),咁ok既,業餘波嘛,呢d場面都偶然會遇到,咁通常為尊重對手,6個都會當你7個咁打。

好 喇,7打6,贏形勢就預o左,但就點都估唔到,會出現一d,我地個後衛推到個波去到對手禁區,對面個後衛企o左o係12碼點度,郁都唔郁睇住我地起腳,我 同其他場邊隊友睇到,個嘴O到可以放得落一個碌柚,可能在下真係孤陋寡聞,我以為只有以前東南亞踢o個d甚麼老虎盃先會出現咁o既場面,結果我地「大勝」 11比0,不過贏o左都唔識笑,因為咁o既比賽,真係踢o黎都無乜意思。

與其係咁,倒不如早d話放棄當輸3球仲好,起碼唔洗大家晨早流流仆去球場,我地又踢得無癮,你地又唔知為乜,唯有安慰下自己 ,我地好多隊友都享受到入波樂趣,而佢地又「成功爭取」次名出線啦。

國足主

logo-dlm-small

Comments