擔任評述員的曾偉忠(右)及大埔lulu向傳媒展示新功能。

擔任評述員的曾偉忠(右)及大埔lulu向傳媒展示新功能。

【體路專訊】以後幾點開波,由球迷話事!球迷們引頸以待的新一季英格蘭超級足球聯賽將於週六(17日)正式開鑼,新球季本港將有史無前例的四大直播新功能,每場波幾時開波幾時暫停全由球迷話事,實在是一眾「波癡」的喜訊。

新球季now TV推出四大英超新睇法,包括操控直播、重點跳播、錄影服務及now隨身睇,球迷們無論在任何時間,都可在家中重溫整場賽事及重溫重點時刻,而且在直播期間,更可隨時暫停球賽,任你選擇何時繼續開波。新的功能將於全季380場英超比賽中均可使用,確實是廣大球迷之福。

lulu-0815-3

英超新睇法詳細睇:

1.操控直播,可將直播中英超即時暫停,及後可隨時再按掣繼續播放。即使遲了回家的球迷,亦可選擇從第一分鐘開始睇波,不會錯過每個精彩時刻。

2.重點跳播,球迷可自由選擇重溫球賽的重點時刻,包括每個入球、角球罰球攻擊、12碼以及紅黃牌等

3.錄影服務,於「now TV節目指南」應用程度App內,對球賽作即時錄影及預錄,待回家後隨時重溫。

4.now隨身睇,透過於此應用程式,可在智能手機及平板電腦上收看英超直播賽事

lulu-0815

大埔lulu將會擔任now新遊戲節目「球分」的主持。

至於在英超球會中支持阿仙奴的「大埔lulu」董嘉儀就對新播放功能讚口不絕,認為此舉對球迷非常方便,並稱:「即使球迷錯過了場波任何時間都可以重溫,而且可以用手機app睇,球迷在街都無需趕回家睇波,因為我亦未必經常有時間在屋企睇波,用手機睇都方便到我」。

英超將於週六正式展開,揭幕戰將於週六晩上7:45分由利物浦主場迎戰史篤城,各位球迷記得留意啦!

文、圖、實習記者梁善慶
(部份相片由公關提供)

Comments