好高興最近有幾個學員都不約而同地同我講跟我上完一排堂真係瘦咗、firm咗、條腰細咗、拜拜肉無咗(唔係賣廣告XD),希望大家keep住啦,因為keep fit 係一個自己同自己鬥嘅耐力賽。

2013-07-13-13-25-47_deco
今次同大家分享一啲修身嘅心得,等大家都可以成為keep fit 大贏家啦。

1)first of all 當然係要明確知道自己修身/鍛煉目標,人人不同,不要盲目追求‘瘦’,我地係要‘修’

以‘文傑BB’為例,佢嘅目標非常明確,佢除咗要“chok ”之外仲要“型”,呢個point足以令佢keep到繼續下去鳥XD
佢仲清楚知道自己嘅身體狀況,跟教練(即係我)溝通自己的要求,等大家可以同步看著同一個方向走。

2)每星期量重一次
特定每星期的某一天為自己量重,等大家知道有無偏離行程,並進行跟進及檢討。

3)每星期都為自己拍照
又係before & after 嘢,起碼知道自己練成點,有啲野睇會有推動力,未有野睇更加有推動力。

4)唔好呃自己
教練叫你唔好食嘅食物又走去食,邊爐放題樣樣齊 -_-”

5)唔好懲罰自己
知道自己呢期食大咗,同教練上完堂,轉頭自己又走去操,以為可以對沖返,就好似呢頭食完炸雞亦,轉頭走去飲涼茶咁,結果係無足夠時間休息,疲累多幾日、操唔起。

間中食大咗一次半次,之後跟返正常就得啦。

6)遇見將來的自己
操到幾星期後就開始鬆懈,呢個時候對住塊鏡,勾畫一下將來自己個fit樣同fat樣,你就會keep moving 架喇。

7)休息
當你操慣咗一排,有一兩日比你休息一下,你就會囉囉攣好想繼續操,休息時休息,比啲時間身體復原,當你諗住休息都係操練一部分嘅時候,咁你會好過一點。

你要知道“今天的放下,是為了明天走得更遠”

8)公告天下!
係你進行修身嘅時候不妨話比你啲朋友知,等佢地幫幫手督導一下你。

依家互聯網咁方便,當然可以試下好似‘文傑BB’咁係facebook度公告天下,訓練時仲叫我幫佢影相po上來,等大家可以push一下佢like下佢,簡直係識又來唔識又來,呢個係非常剌激興奮的,比人笑幾笑更累都要來XD

因為“别人只會在乎你飛得高不高,卻不會在乎你飛得累不累”,係咪好寫實呢

9)最後就係比啲耐性,頭先都講過keep fit 係一個長時間嘅耐力賽,唔好諗住一個月減幾十磅,要以一個健康嘅方向去控制體重,與其信那些“減肥茶”、“減肥葯”、“減肥震震機”,倒不如信自己啦~Rock your body!

想知更多體適能運動資訊可到我的Facebook Fan Page ‘體適能平台 Sport Science’,多謝支持!

Comments