香港排球賽事(資料圖片)

香港排球賽事(資料圖片)

排球總會近期推出「管理」球隊贊助商嘅新制度,講什麼FIVB標準。

香港排球總會對於比賽球衣贊助之相關規定:(節錄部分重點)

  • [一次申請費用$600 每隊球隊每一年度最多只可遞交2次的申請]
  • [如球隊在該年度轉換贊助商,需要作第二次申請,並需再次繳付申請費用]
  • [比賽球褲上只可以有球衣製造商商標(大小及位置不得超過本會規限),不可有贊助商商標或圖案。]

對於比賽球衣贊助之相關規定詳細全文請按此

排總一向放定位喺普及化同盛事化,唔攪精英化唔攪商業化。
以男子甲組計,總會每年舉辦嘅比賽實在寥寥可數。

  • 聯賽(8隊單循環)
  • 馬拉松(3場初賽+2場複賽+2-3場名次賽)
  • 會長盃(今年度重辦,只限甲一組頭四名參加,單淘汰制)

喺香港打排球,就算係最高水平嘅甲一組呀,絶大部分都係球員自己掏荷包夾錢,朝頭早天未光起身Book場,自己俾錢整波衫買波鞋。

近年開始出現商業贊助予甲組球隊,但好多時都只係非金錢資助形式。例如:
1.波衫公司提供隊服贊助;
2.免費運動膠布、噴霧、飲品;
3.運動用品公司折扣等等。

喺商業贊助嘅生態未成熟時就設諸多限制,收什麼申請費、限制波衫上贊助商標圖案大小、數量等等嘅制度。令人費解的是,難道會因為排總的「管理」而吸引更多商業機構贊助排球運動嗎?「管理」贊助商就用FIVB標準,然而比賽配套或者規模卻未見有FIVB標準。況且,我未聽過有任何贊助係總會幫球會搵番黎,而喺波衫上印上贊助商商標亦不見得會增加了總會嘅行政成本,咁有咩理由要收申請費?雖然$600唔係多錢,但無道理的話一毫子都唔應該俾,如此制度應予取締!

另外,排總將乙丙組比賽嘅網高與甲組睇齊,男子組一律2.43m(乙丙組網高以往係2.35m),女子組一律2.24m(乙丙組網高以往係2.20m)。(有關網高新制度全文請按此
暫時所見,支持同反對嘅意見都有,大家又點睇呢?

Comments